«АБАЙ КУБОГІ – 2020» БІЛІМ САЙЫСЫ ӨТТІ

«АБАЙ КУБОГІ – 2020» БІЛІМ САЙЫСЫ ӨТТІ

2020 жылдың 1 ақпанында Өскемен қаласы әкімдігінің «Шәкәрім атындағы №1 орта мектебі» КММ-да қазақтың ұлы ақыны Абай Құнанбайұлының 175 жылдық мерейтойына орай «Абай кубогі – 2020» мектепішілік білім сайысы өтті.

«Қазақ тілі мен әдебиеті» пән бірлестігі ұйымдастырған шараға мектептің барлық мұғалімдері қатысты. Мектеп директорының шымылдықашар сөзімен басталған шараға қатысушыларға Абай Құнанбайұлының өмірі мен шығармашылығы, төл әдебиетіміз бен ұлттық құндылықтарымыз, бай тарихымыз бен салт-дәстүрімізге қатысты қызықты сұрақтар айналма кезек арқылы қойылды. Сайыстың нәтижесі төмендегідей:

Гран при – Нұргүл Алтайқызы (Абай кубогі – 2020», диплом)

Бірінші орын – Әйгерім Мейрамбекқызы (І дәрежелі диплом)

Екінші орын – Ғалия Қалышқызы (ІІ дәрежелі диплом)

Үшінші орын – Әділ Сайлаубекұлы (ІІІ дәрежелі диплом)

Бұдан өзге үздік 6 қатысушыға алғыс хат тапсырылды.

Сайыс соңында қатысушылар шараның жоғары деңгейде өткенін айта келіп, бұндай сайыстар алдағы уақытта жиі өтіп тұрса деген ұсыныстарын жеткізді. Абай атамыз туралы өз білімдерін бір мәрте бекітіп, білмеген дүниелерін ойын барысында білім қайтты.

Тағы бір айта кетерлігі – барлық қатысушыға таратылған «Абай тәттісі» шараның көркін келтірген ұтымды идея болды.